في دوامي اليوم " ماكان عندي شغل كثير  فتحت الأدراج " و المكتبة .. أدوّر عن أي شيء بالسجلات ناقص .. أكمله و اشغل نفسي به .. لكن للأسف مالقيت .. تذكرت " خلود " خلود هذه " وحدة طيّبة خشّت قلبي من أول ماقابلتها أول مرة " اتصلت عليها اليوم  .. اتطمن عليها .. لأن كانت غايبة 4 أيام" كفّحلتها .. وردت الكفّحلة هي .. وعزمتني أنزل عندها تحت في مكتبها عند الوكيلة .. ونزلت عندها .. و كانت حايسة بشغلها .. سلّمت عليها " بقلب " :$ وهرجت شوية معاها .. واستأذنتها ونزلت أنا .. أشوف البريد عند المديرة .. ولقيت " عبير " خارجة من مكتب المديرة وقالت لي : البريد سحبته خلاص .. أنا : يعني مافي شيء جديد اليوم ! هي : لا .أنا : تسلمي عبير .. هي : الله يسلمك 
يا محلى التعاون "

و رجعت مكتبي فوق ..جلست شوي .. قلت يمكن تيجي شغلة من معلمة أو شيء !و انتظرت دقايق .. وماجاء شيء ... وخرجت من المكتب ونزلت لـ خلود أساعدها.. والحمدلله .. ساعدتها بكم شغلة بسيطة " لكن هي شافتها حاجة كبيرة .. و راحة كبيرة لها لأن كان الشغل متراكم شوي عليها ..لأنها كانت غايبة 4 أيام .. ودعت لي بدعوتين حلوين شرحت صدري " واسعدتني كتييير ..من حلى الدعوة حسّيت إني ماسويت لها شيء و نفسي أساعدها ثاني وثالث ورابع .. ياسبحان الله .. ناس الشغل معاهم ممل حتى ولو كان قلييييل وناس الشغل معاهم ممتع حتى لو كان كثييييييييير 
" بعدما خلصنا شغلنا . جلسنا نهرج مع بعض .. ونتصفح بعض المنتديات و الكونكت على حساب " الوكيلة " هههههههه 
وبعدما خلصت الوكيلة هرجة  مع وحدة من المعلمات .. انتبهت لنا ههههههههه وسألت خلود " ايش نسوي هاللحظة " خلود ارتبكت وقالت إننا بنراجع وندخل أسماء الطالبات في الموقع وهي كأنها مو مصدقة خلود .. وخلود تقول لها أسألي منو ههههههههههه وأنا فضلت ساكتة .. و ما ردّيت بكلمة .. وبصراحة كنا نشتغل " ولكن لما خلصنا شغلنا على الموقع .. اتصفحنا كم منتدى على السريع بس 
ياحلاتها لما تعصب ههههههههه ربي يسعدها 


طبعاً " هذا مو كل اللي صار اليوم هذا جزء منه بس .. كـ بداية لتدويني هنا لكل أحداث حياتي واعذروني على ركاكة أسلوبي "